Honi buruz

APIKA STEAM Laborategia Iametzak sustatutako proiektu bat da, Euskal Herriko ikasleen artean gaitasun zientifiko-teknologikoen inguruko interesa piztea helburu duena.

Egitasmo honen bidez, honako gaitasunak eta ezaugarriak landu nahi ditugu:

Zientzia, Teknologia, Ingeniaritza, Matematika eta Artea bezalako ezagutza eremuen inguruko interesa piztea.

Proiektuetan oinarritutako ikasketa programa barneratzea, etorkizuneko lan munduan belaunaldi horiek topatuko dituzten egoerak halakoak izango baitira. Hau da, ezagutza eremu desberdinek bat egiten duten proiektuetan lan egin beharko dute.

Maker filosofia: Eginez ikastea. Modu honetara ekintzailetasuna sustatzen da.

Talde-lana eta parte-hartzea.

Sormena eta ikasteko grina.

Pentsamendu zientifikoa eta konputazionala sustatzea.

Gaitasun sozial eta emozionalak garatzea.

Euskarari eta euskal izaerari protagonismoa aitortzea.

Science, Technology, Engineering, Arts and Mathematics

STEAM siglek bost jakintza alorreri egiten diete aipamen: Zientzia, Teknologia, Ingeniaritza, Artea eta Matematika) eta belaunaldi berriak arlo zientifiko-teknologikoetan prestatzeko ahalegina dago formulazio horren atzean.

Egitasmo hau Gipuzkoako Foru Aldundiko Ekonomia Sustapeneko, Landa Inguruneko eta Lurralde Orekako Departamentuaren diru-laguntzari esker eraman dugu aurrera. Lehen egitasmo pilotua Arizmendi ikastolarekin elkarlanean egin dugu. Baina Iametzaren helburua Euskal Herriko eskolatan esperientzia honen antzekoak martxan jartzea da.

Horretarako, egitasmo honen baitan sortzen goazen material guztia modu librean sareratzen joango gara, CC BY-SA (https://creativecommons.org/licenses/by-sa/3.0/deed.eu_ES) lizentziapean, nahi duenak kontsultatu eta erabili dezan.

Bestalde, Iametzak hala nahi duten formazio zentroei eta profesionalei bere zerbitzuak eskaintzen dizkio.

Materialaren sorkuntza

Beharrezko edukiak eta materiala sortuko dugu ikastetxearen beharrari eta egitasmo zehatzei lotuta (unitate didaktikoak, bideo tutorialak...).

Aholkularitza

Ikastetxean zer proiektu gauzatu daitezkeen ikusiko dugu, ikastetxearekin elkarlanean eta egitasmo zehatza diseinatuko dugu

Formazioa eta laguntza tekinkoa

Irakasleei formakuntza eskainiko zaie eta proiektuak iraun bitartean prozesu osoan zehar laguntza teknikoa esakiniko dugu.